Alisa in Divalanda. Chapta 3

Un-ney hi kwesta es sertem komo fa-suhe snova. Li diskusi to, e afte kelke minuta  Alisa toki kun li noteklif-nem, kom si ela koni li sempre, e to sembli ga naturale a ela. Ela hev ya aika longe disputa kun Lori, hu pa fin fa-glume e shwo sol un kosa: - “Me es pyu lao kem yu, me jan ya pyu hao.” - Alisa bu mog fai sin kwesti kwel es ta-ney yash, bat Lori ga refusi jawabi, also ye nixa fo shwo pyu.

Pa fin Maus, kel semblem es gaurawe persona in sey kompania, krai: - En-sidi ba, yu oli, e audi a me! <i>Me</i> sal mah yu suhe kway! - Li oli tuy en-sidi pa gran ronda al Maus in mida. Alisa zai kan ta fixem, bikos ela es serte ke ela ve fai lengitura si ela bu fa-suhe ya sun.

- Komo yu sta nau, kare? - ta turni a Alisa al shwo.

- Shwo normalem! - Yunorla shwo. - Me bu jan signifa de haf de sey wordas, e yoshi me bu kredi ke yu hi jan. - E Yunorla nichisi kapa fo ahfi smaila. Kelke otre faula fai hi-hi audibilem.

- Me yao-te shwo - Dodo jawabi ofensi-nem, - ke zuy hao kosa fo mah nu suhe wud bi basar-kompeta.

- Kwo <i>es</i> basar-kompeta? - Alisa shwo. Bu es ke ela verem yao jan, bat Dodo he fai pausa kom si <i>koywan</i> gai shwo, e nulwan sembli yao shwo nixa.

- Wel, - Dodo shwo, - zuy hao explika es tu fai it. - (Shayad yu ve yao probi fai sama pa koy hima-dey, also me sal rakonti kwo Dodo zwo.)

Un-nem ta marki lopi-trek bay ronde-si linia on arda (“exakte forma bu mihimi” - ta shwo) e poy ol kompania es plasen along linia sin ordina. Bu ye “un, dwa, tri, los!”, bat kadawan en-lopi wen ta yao e stopi wen ta yao, also bu es fasile tu samaji wen kompeta es finen. Yedoh, afte sirke haf-ora, wen li oli es ga suhe snova, Dodo turan krai: - “Lopa es finen!” - e oli en-mengi sirkum ta al spiri gro e al kwesti - “Bat hu jiti?”

Den sey kwesta Dodo bu mog jawabi sin dumi gro, also ta stan longem al finga kontra frenta (in tal posa oni pinchanem vidi Shekspir pa piktura), duran ke otras weiti silensi-yen. Pa fin Dodo shwo: - Oni shwo ke basar-kompeta es sarwem utile. Also <i>kadawan</i> hi jiti, e <i>oli</i> hi mus pai pris.

- Wel, naturalem <i>ela</i>, - Dodo shwo al diki a Alisa bay finga, ewalaa ol kompania tuy fai menga sirkum ela al sobrekrai mutu - “Pris! Pris!”

Ewalaa oli snova fai menga sirkum ela, e Dodo solemnem doni a ela toy fingadan al shwo - “Nu pregi ke yu aksepti sey elegante fingadan,” - e, wen sey kurte bashan es finen, oli aklami.

To olo sembli ga drole a Alisa, bat li oli aspekti tanto gambirem ke ela bu kuraji ridi; also, al bu jan kwo shwo, ela simplem pokloni e pren fingadan, trai-yen aspekti tanto solemne kom posible.

Alisa ouran misaudi “kaulu ba” kom “kauda”. - Es longe hi, - Alisa shwo al kan nich an Maus-ney kauda, - bat way yu shwo ke es triste? - E duran ke Maus zai shwo, ela dumi for om kauda, also fo Alisa Maus-ney historia simili lo sekwi-she:

- Bi karim lai bak e fini yur historia! - Alisa voki ta. Otras hunti a ela, voki-yen pa hor - “Ya, ya, bi karim, lai bak!” - Bat Maus sol ek-sheiki kapa nosabrem e go pyu kway.

Lao Kraba utilisi sey situasion fo shwo a suy docha - “Ah, kare! Hay to bi leson fo yu: <i>yu</i> bu gai lusi sanyamtaa, neva.” - “Kipi muh klosen, Ma!” - yunge Kraba shwo idyen vexem - “Yu mog mah iven oista lusi sanyamtaa.”

Alisa jawabi ga yao-shem sikom ela es sempre tayar fo shwo om suy lubianimal:  

Sey bashan fai gro-impresa an kompania. Kelke faula tuy hasti wek. Un lao Soroka en-tayari swa fo go al remarki: - Me verem treba go a dom: nocha-aira bu es hao fo may gorla! - E Kanari to mata voki suy kinda pa tremi-she vos: - A dom, kares! Es ya gro-taim fo ke yu oli fai kama! - Pa diverse bahana sun oli es wek e Alisa resti ga sole.

[[Alisa in Divalanda. Chapta 4|Chapta 4]]