Kan sursa

{{Edita}} Mata shwo a swa-ney son: -Jan-Pol, go ba woshi yur fas. Yur tia Matilda sal lai pa aksham. - Hao, mama. Bat kwo si me woshi swa, e ela bu lai? ---------------- Un yungina lerni dukti auto. Suy patra shwo kadaves: - Wen luma es rude, yu stopi, wen luma es grin, yu pasi, wen me fa-blan, yu breki. ---------------- Ti yao bikam maryuan na yunge man gei kwesti bay komision: - Ob yu janmog swimi? - Fo kwo? Ob yu bu hev bota? ---------------- - Ob yu remembi ke yeri yu vendi sey papagay a me? - Sertem. - Yu shwo-te ke ta repeti olo ke ta audi. - Es ver. - Bat ta bu shwo nixa! - Es normale. - Way? - Bikos ta es gluhe. -------------- Un yungina kwesti un lifteryuan: - Ob yu fatigi por go uupar e nich duran tote dey?<br> - Ya!<br> - Kwo fatigisi yu zuy: tu go uupar?<br> - Non!<br> - Tu go nich?<br> - Non!<br> - Stopas?<br> - Non!<br> - Dan kwo?<br> - Kwestas, madam! ------------- Un ferdaokrosa. Un lao gina kun syao doga lai. Ela kwesti un yuan: - Pa kwel klok tren fon suda lai?<br> - Pa klok shi-un e dwashi-pet.<br> - Pa kwel klok tren fon norda lai?<br> - Pa klok shi e charshi-char. Ela sheiki kapa, mediti idyen, poy kwesti for: - Pa kwel klok tren fon esta lai?<br> - Pa klok shi-un e shi-char.<br> - Pa kwel klok tren fon westa lai?<br> - Pa klok shi e dwashi-sit. Ela snova mediti idyen, kwesti: - Ob yu mog shwo kwel klok es nau?<br> - Klok nin e dwashi-sem. Lao gina turni a doga, shwo: - Wel, nu mog trago anchunem. -------------- Un pyan wan kwesti: - Wo es kontra-ney taraf de gata? Oni diki. - Diabla! Dar oni shwo ke it es hir... -------------- In animal-shop. - Ob ye papagay? - Non, bat yu mog kupi pelatuk. - Ob ta toshi janmog shwo? - Non, bat ta janmog yusi Morse-alfabet. ------------- - Me wud yao hev basta mani fo kupi un elefanta. - Way yu nidi elefanta? - Me nidi sol tanto mani... -------------- Un dulhina kwesti swa-ney dulho: - Kwel ginas yu pri pyu: jamile-las o intele-las? - Nul de li. Sol den yu... -------------- Oni kwesti un lao garson kwo es suy drima. - Me drimi om ke oni chi e pi pa dom e sendi pimani pa meil. -------------- - Wo es yur mursha? - Pa dom, kun suy char-gamba-ney amiga tuhun. - Me bu jan-te ke yu hev doga. - Bu es doga. Es divan. -------------- - Ob yu shikari elefanta depos longtaim? - Wel, non. Me lai-te fo shikari parpar, bat he lusi okula. -------------- - Wen yur sista dumi gami? - Sempre! --------------- - Shwo ba, plis, kwel datum es sedey? - Wel, yu hev ya gaseta! - Ya, bat it es yeri-ney. --------------- - Kolya, way yu bu lai-te a nuy gamifesta? - Por dwa worda. - Kwel? - Bu inviti-ney. --------------- Un talimer shakwi om Vova-ki a luy patra. - Yur son he rasmi un moska on tabla. Me trai-te mah ta wek, e nau may handa tungi. - Wel, unves ta rasmi un krokodil in banipen. Me lopi-te wek tra rasmi-ney dwar. --------------- Mursha lai a dom. Ta es fatigi-ney, shwo a molya: - Hu unkwe telefoni, shwo ba ke me bu es pa dom. Telefon baji. Molya jawabi, shwo: - Mursha es pa dom. Mursha en-stan, lopi-lai, krai: - Me he pregi ya! Molya shwo: - Bye iri, kare. To bin bu a yu. --------------- - Kara, go ba kupi fan. - Bat, karina, zai pluvi. Hao masta bu lasi doga aus pa tal meteo. - Wel, go ba sin doga. --------------- Un leker examini un jen, poy go aus shamba kun luy molya, shwo: - Es ke me bu pri yur mursha. - Me toshi bu pri lu, doktor. Bat kindas lubi lu gro. --------------- Dwa lao leker toki: - Un jen es tanto morbe ke ta mus he morti shi yar bak. - Ya, es posible. Si un jen verem yao jivi, medisina lusi mahta. --------------- Vova-ki lai a dom kun un boy fon same klas. - Mama, kan ba: sey boy es ga nopinchan. - Bat way ta es nopinchan? - Ta lerni yoshi pyu buhao kem me! -------------- - Joni, en-jagi ba. Es yo tarde, yu mus go skola. - Me bu yao visiti skola pyu. - Bu es posible, yu mus ya go. - Bat me bu yao. Talimer bu pri me, kinda bu yao toki kun me. Way go? - Kamon, Joni. Yu es ya direktor. ---------------------- Al deyfan boy ek-krai: - Papa, papa... - Fa-kalme, kare. Bu gai krai tak al chi deyfan. Afte kelke taim patra kwesti: - Wel, nau shwo ba to ke yu yao-te. - Nau bu es muhim. Yu he yo gloti un moska ke he lwo inu yur pyata. ---------------------- - Mama, yu hev yo kelke grey harinka. - Janmer-ney har fa-grey, - mata jawabi, - si kinda bu obedi. - Wel, nau me samaji way oma-ney har es ga grey... ---------------------- - Komo yur mata merki ke yu bu he woshi swa? - Me he fogeti mah sabun mokre. ---------------------- - Papa, papa, wo piramidas loki? - Kwesti ba mata, ela responsi om kosas in nuy dom. ---------------------- - Me nidi gunsa, urjentem! Me hev un molya e pet kinda! - Gro-hao! Bat kwo pyu yu mog zwo? ---------------------- Lao avarnik morbi gro. - May kare son, me bu sal resti kun yu oli fo longtaim. Wo es Yohan? - Es hir, papa. - E wo es Joni? - Es hir, papa. - E Maria? - Es hir, papa. - E mata, wo es ela? - Me toshi es hir, kara. - Dan shwo ba, pa fin: hu es in shop? ----------------------- Lu: Pa aksham nu sal amusi swa gro. Ela: Kwo nu ve zwo? Lu: Me he kupi tri kino-bileta. Ela: Tri? Hu sal go kun nu tuhun? Lu: Me he kupi un bileta fo yur patra, un la fo yur mata e yoshi un la fo yur brata. ----------------------- Un sinior lai a animal-shop, shwo: - Me yao kupi un papagay. - Ye sol dwa papagay, e oni vendi li sol pa hunta. - Bat me yao kupi sol un papagay. - Oni bu vendi li apartem. - Bat way? - Bikos un de li shwo pa turk-lingwa e dwa-ney-la tradukti. ----------------------- Dwa kinda toki: - Kan ba, may pedas bu es tanto gande kom yur-las. - Es samajibil. Yu es ya pa tri yar pyu junge kem me. ----------------------- Dwa bisnesjen toki: - Pa nocha un hao idea mog lai a may kapa. Por se me sempre hev papir e kalam bli swa. - Wel, por se hi me sempre hev may sekretarina lagi-she bli me. ----------------------- Un man vidi un gina, shwo: - Yu es ya gro-jamile! Ela jawabi: - Danke! Yedoh pa afsos me bu mog shwo sama om yu... - Wel, zwo ba kom me: lugi!! ----------------------- - Me opini ke tu dai es pyu hao kem tu pai. - Wel, yu es ya vere humanista. - Ga non. Me es boxer. ----------------------- Gardiyuan shwo a krimenjen: - Oni sal morta-puni yu manya. Kwo yu yao fo yur laste akshamfan? - Karpus. - Wel, me afsosi, bat nau bu es karpus-ney seson. Yu bu mog pai it til mes-shi. - Me ve weiti. ----------------------- - Also yu yao bikam may son-inloo, bu ver? - Honestem, non. Bat me bu vidi otre dao fo gami yur docha. ----------------------- Pa un lingwa-leson. - Sedey nu repeti gramatika-taim. Si me shwo "me es jamile" - kwel taim es? - Sertem pasi-ney-la. [[Rakonta|Kontena]] [[Category:Rakonta]]

Return to Nove anekdot.