Kan sursa

Yeri me bin in urba-parka. Dar me vidi tri belka. Dwa belka chi fon pama de jen. Tri-ney belka salti-lai a me ga blisem, kan-kan me. Me hev nixa kunem fo mah-chi ta, also ga sun ta shwo laik tsak-tsak-tsak e salti-klimbi uupar gao baum. Me vidi komo ta, yo ga gao, skrapi swa bay bakgamba e salti-salti fon brancha a brancha.

Ye mucho diverse faula. Ye brun faula-ki do rude sina, ye swate faula do hwan bik. In lak ye hansa. Faulas gani, wisli, taratori. Bulbul gani plurilok. 

Baumes es kovren bay yunge klare-grin liftot. Sobre oni es grin muvi-she kupula-si lumisen bay surya. Jatile rasma de muvi-she shada es on arda. 

Yoshi me vidi para maus-ki do tume stripa-ge on bey. 

Yeri-ney promena in vesna-ney parka bin priate.

[[Category:Lo diverse]]