Kan sursa

''(Sante Siluan de Afon to monta)'' Gro ya bin griva de Adam... Adam, patra de universa, in swargalok gwo jan dolchitaa de Boh-ney luba, e por to, wen lu es mah-wek-ney aus swargalok por gunah e lwo in bi sin luba de Boh, lu sufri karwem e kun gran gema gro-plaki in sarha. Suy atma tormenti por duma: “Den lubi-ney Boh me he insulti”. Bu tanto afsosi lu om swargalok e om suy jamilitaa, kom om to ke lu lwo in bi sin Boh-ney luba kel busatibilem pa kada minuta atrakti atma a Boh. Tak eni atma kel pai jan Boh por Sante Spiritu, bat poy lusi blagitaa, senti Adam-ney tormenta. Atma tungi e gro-afsosi, wen ta insulti lubi-ney Masta. ... Adam enoi on arda e karwem gro-plaki, e arda bu es prival fo lu. Lu duhi om Boh e shwo: “May atma sinian om Masta e me plaki shuki Ta. Komo me mog bu shuki Ta? Wan me gwo bi kun Ta, may atma gwo bi alegre e kalme, e dushman bu gwo mog aksesi me; e nau dushte spiritu pai mahta sobre me e mah hesiti, e mah duhi may atma, e por to may atma sinian om Masta iven til morta, e may spiritu aspiri a Boh, e nixa on arda bu mah me alegre, e bay nixa may atma bu yao konsoli, bat yao den Ta snova vidi e kun Ta yao satifi. Me bu mog fogeti Ta, ni fo un minuta, e may atma duhi om Ta, e por gro-mucho traur me gemi plaki: “Rahimi me, oo Boh, den Yur lwo-ney kreatura” Tak Adam gwo gro-plaki, e larma liti pa suy fas a suy sina e arda, e tote sahra gwo audi suy gema; oli faula e animal en-silensi pa tristitaa; e Adam gro-plaki, bikos por suy gunah oli he lusi salam e luba. [[Rakonta|Kontena]] [[Category:Rakonta]]

Return to Griva de Adam.