Kan sursa

{{Edita}}
''Ruski fabula''


Foxa zai lopi pa felda. Turan dogas apari fon koylok, begin goni ta.

Foxa en-lopi pa ol mogsa. Ta lopi, lopi, dan ahfi swa inu dun sub baumtokon.

Foxa zai sidi inen dun, shwo a swa:

— Aures, aures-ki, kwo yu he zwo-zwo?

— Nu he audi-audi, dabe dogas bu chi foxa-ki.

— Gambas, gambas-ki, kwo yu he zwo-zwo?

— Nu he lopi-lopi, dabe dogas bu kapti foxa-ki.

— Okos, okos-ki, kwo yu he zwo-zwo?

— Nu he kan-kan, dabe dogas bu chi foxa-ki.

— E yu, kauda, kwo yu he zwo-zwo?

— Me he klingi a oli tokon, oli bush, oli brancha.

— Aa, walaa kwel yu es! Hey, dogas, pren may kauda, chi it!

Dogas kapti foxa-ney kauda, tiri foxa aus dun. Apena ta pai lopi wek.

[[Category:Fabula]]