Kan sursa

Skay-ney badales, oo wandi-sha sempre-ney!<br>
Sobre estep’, kom kadena-ki perla-ney<br>
Floti yu wek, kom me selfa, exili-ney,<br>
Fon kare nord’ a taraf dale suda-ney.

Hu den yu goni? Ob fata nopiti-she?<br>
Ahfi-ney enva, o hena buahfi-ney?<br>
O den koy krimen yu fai-te gravisi-she?<br>
Oda amigas he fai gro-tuhmat an yu?

Non. Yu fa-tedi por agras nuy norda-ney.<br>
Sempre sta libre e sempre sta lenge yu.<br>
Sufra, siniansa, pasion – olo yok she yu,<br>
Yok janmalok e exila ya yok fo yu.