Kan sursa

Un laojen sidi pa geit de un urba, luy kinson zai plei bli. Un daojen stopi, fai kwesta:

- Shwo a me, oo jen respekti-ney, kwel es jen kel habiti in sey urba?

- Hm, jen kel habiti in yur urba es kwel?

- Wel, jen kel habiti in may urba es bade, envishil, podle fuy-jen!

- Yu bu fai fortuna. Jen kel habiti in sey urba es bade, envishil, podle fuy-jen, toshi.

Daojen go for. Un otre daojen fa-blisi a saja, fai kwesta:

- Shwo a me, oo jen respekti-ney, kwel es jen kel habiti in sey urba?

- Hm, jen kel habiti in yur urba es kwel?

- Wel, jen kel habiti in may urba es karim, donishil, helpishil hao-jen!

- Yu fai fortuna. Jen kel habiti in sey urba es karim, donishil, helpishil hao-jen, toshi.

Afte ke daojen go for, kinson kwesti suy opa:

- Opi kare, shwo a me, yu lugi-te a kwel fon li? 

- A nulwan, may kinsoni. Me shwo-te ya a li to ke es vere fo kadawan fon li!

[[Category:Fabula]]
[[Kategoria:Fabula]]