Kan sursa

''Jungwo-ney fabula''


Un kuraja-ney gwerjen zai raki bota tra riva, kun dwa remer pa hunta. Turan, yus pa mida de riva, zian kel pendi pa belta de gwerjen fa-deligi, lwo inu akwa.

Gwerjen tuy shwo a remer:

— Remembi ba ke may zian he lwo inu akwa fon lefte borda. 

Li raki for. Wen bota es yo bli sahil, gwerjen kwesti:

— Also fon kwel borda may zian he lwo?

— Fon lefte-la, sinior, — ambi remer jawabi pa hunta.

— Stopi bota! — gwerjen komandi, salti fon lefte borda inu riva e begin plunji.

Sun ta fatigi. Ta begin droni. Remer apena tiri ta bak, inu bota.

Wen ta snova spiri hao, ta begin shatami li.

— Yu flaner, yu konfusi olo. Si may zian wud he lwo fon lefte borda, me wud he findi it longtaim bak.

— Sinior, yur zian he lwo bu bli sahil, bat pa mida de riva, — un remer shwo.

— Yu stupide, — gwerjen en-krai, — yu samaji-bu-samaji, ke pa mida de riva es tro glube?