Kan sursa

{{video:youtube|zLESOT6IXyE}} <videoflash>v=zLESOT6IXyE</videoflash> ''Jungwo-ney fabula pa Lidepla, lekten bay Martín Rincón Botero.'' '''Hu es pyu intele, toy-la es pyu forte''' Foxa flani in shulin, miti tigra. Tigra mah naka aus, grauli: – Yu rudishnik, way yu flani in may ardalok?! Hu permiti yu?! Me gloti yu! Foxa bu yao morti, bu yao gro. Ta ek-muvi kauda e shwo, kwasi olo es hao: – Hey, way yu krai, shma-tigra? Nu sal kan, hu gloti hu. Bu sin kausa jenta fobi me pyu kem yu! Tigra hampi morti port al naglitaa. Suy okos fa-rude, suy mao fa-lifti. – Ah yu nagle! – ta krai. – Shwo adyoo a yur jiva! – Weiti, weiti ba! – foxa shwo. – Nu go ba a jenta, ke li fobi me pyu kem yu. – Hao, nu go ba, – tigra jawabi. – Bat si jenta bu fobi yu, yu ve bi sin derma. Li findi un jen-ney kamina e go versu vilaja. Foxa zai go avanen, tigra baken. Foxa hampi kripi pa arda, bu es merkibile. Tigra bu ahfi swa, zai go pa fule gaotaa. Jenta de vilaja en-vidi tigra, en-lopi a oli taraf. Li zai lopi, krai: – Salvi swa! Salwi swa! Masta de shulin zai lai! Foxa turni a tigra, shwo: – Also yu vidi, komo jenta fobi me. E yu, nulwan iven atenti yu. Wel, nau me ve gloti yu! Tigra en-fobi foxa, fai suy kauda inter pata e lopi wek. Foxa gro-ridi om ferose tigra, ridi longtaim e poy shwo: – Pyu intele maini pyu forte! Pyu intele maini pyu forte! [[Category:Texta]]

Return to Foxa e Tigra.