Kan sursa

Me miti wandi-sha fon landa dal gulao.<br>
Ta shwo: in sahra dar, on ramla-ney surfas<br>
Dwa ston-ney gamba stan, sin tronka, gran e gao.<br>
Bli li, haf-sinki-ney, zai lagi kreken fas. <br>
Sey ston-ney fas do fruna es gamande,<br>
It shwo: es jen do lenge emosion,<br>
Abyasi-ney a moki e komandi.<br>
In ston da skulpter stampi-te pasion.

Ye word' on pedestal kel zai dekadi:<br>
"Me, Osimandias, zuy mahtaful in mund'.<br>
Kan may gunturas, oo yu regas, e denadi!"

Ye sirkum nixa hi bli toy ruina-resta,<br>
Sinfin-ney ramla sol pa oli char taraf,<br>
Sinjen-ney sahra sol pa esta e pa westa.