Kan sursa

Sekwi-she planeta gei habiti bay un pyannik. Sey visita es muy kurte, bat it mah syao prinsa gro-triste.

(rasma de pyannik)

Pyannik zai sidi pa silensa bifoo fila de fule botelas e fila de vakue botelas. 

— Kwo yu zwo? — syao prinsa kwesti.

— Me pi, — pyannik shwo glumem.

— Way yu pi?

— Dabe fogeti, — pyannik jawabi.

— Fogeti kwo? — syao prinsa kwesti, lu en-piti pyannik.

— Fogeti ke me shami, — pyannik konfesi e mah-lwo kapa.

— Shami por kwo? — syao prinsa inkweri, lu yao helpi.

— Shami por pi! — pyannik shwo e en-silensi fin-nem.

E syao prinsa go wek, perplexe.

"Adulte jenta es verem gro-strane", lu dumi al suy dao.