Kan sursa

Unves ye... sinior Byanki, in Varese to urba. Ta gun fo un firma kel vendi farmak e lu treba safari mucho pa tote Italia sit dey aus sem de kada wik. Lu safari a esta e a westa, a norda e a suda, e yoshi a midlanda, e kadalok lu diki exampla de farmak e fai kontrakta. Pa semdi lu returni a dom e pa undi sabah lu snova go safari. E kadaves al shwo adyoo, luy docha pregi: - Papa, bi karim, bu fogeti om fabula! Un fabula pa kada aksham. Treba ya shwo ke sey syao gela ga bu mog en-somni sin fabula. E suy mata he rakonti yo oli fabula ke ela jan, iven po tri ves. Also pa klok nin de kada aksham, wo unkwe lu es, sinior Byanki telefoni a dom e rakonti un fabula a suy docha. Sey fabulas, li oli es hir, in sey kitaba. Ver, li bu es tro longe. Bat sinior Byanki treba ya pagi fo kada telefon-toka, also lu ga bu mog shwo longem. Yedoh koyves, afte fai koy hao kontrakta, lu lasi swa shwo un o dwa minuta pyu. Oni shwo ke wen sinior Byanki telefoni a Varese, telefonista gwo deri oli otre klienta dabe slu fabula. Wel, den koy-las me selfa pri ya gro! [[Alisa to lwonik]] [[Category:Fabula]]

Return to Fabula via telefon. Introdukta.