Kan sursa

{|width=100%
|-
|width=60%|
'''21. Emaii samaji justitaa'''
|width=40%|
|-
|
Yedoh rasum shwo a ta, ke treba returni a vilaja. Ye mucho reson fo to. Un-nem, es mucho pyu anchun tu fugi al aksham kem al sabah, bikos dan oni ve merki fuga pyu tardem. Dwa-nem, ta he lyu suy pistola in dom, e arma mog bi muy utile. Tri-nem, treba pren kunem den fan amini fo tri dey.
|
|-
|
Ye yoshi un reson – ta wud yao toki kun Eshu pa laste ves.
|
|-
|
Raterford findi un pina-brancha e agnisi it bay splinta kel es yo hampi finjal-ney. Kun nove torcha in handa ta klimbi bak inu guha. Tu go bak es pyu mushkile, bikos nau treba go uupar e inklina es aika krute. Raterford oltaim kan-kan wolba atentem, dabe bu go pas swa-ney shahta kel dukti a dom. Pa fin ta ateni it. Torcha bu treba pyu, also Raterford lansi it inu ruchey e en-klimbi uupar pa stanga kwasi pa mastula.
|
finjal - burn out / apagarse / догореть
|-
|
Ta klimbi a uupare stanga-fin e turan audi laute tuking. Tuking lai fon sobre. Ta samaji, ke oni tuki pa dwar de suy dom. Dwar es shuani-ney. Mogbi oni tuki yo longtaim. Ta en-fobi, ke oni mog rupti dwar e deskovri subarda-tunel. Dan olo fai fala. Treba klimbi uupar e prisenti swa a li zuy kway posible. 
|
fon sobre = fon uuparen
|-
|
Nau ye gran distansia inter uupare stanga-fin e dom-poda. Al fa-graspi pa mur-balja, al pendi sobre swate abisma, Raterford klimbi uupar e klimbi aus yama. Oni bati dwar tanto fortem ke ol dom trembli. Al en-loki on poda, Raterford hastem kovri yama bay planka, poy kovri planka bay dine sloy de arda. Se okupi-te haf-minuta. Dan ta lai a dwar e ofni it.
|
fa-graspi pa koysa - snatch at smth / asirse a algo / хвататься за что-л.
|-
|
Baken dwar Emaii zai stan. Ta es sole. Bli suy pedas ye un longe tange obyekta, kuti-ney inu kelke borya.
|
|-
|
Shefa suspektem examini Raterford. 
|
|-
|
- Way yu bu chu-te, Hwan-har-ney? – ta kwesti. – Me tuki-te pa dwar longtaim hi.
|
|-
|
- Me somni-te, - Raterford jawabi.
|
|-
|
- Somni-te? – Emaii rikwesti. – Neva hi oni darfi somni tanto glubem, Hwan-har-ney. Hao gwerjen mus en-jagi por zuy syao sususa, dabe dushman bu mog ahfi-lai a ta. 
|
|-
|
Suspekta-ney kansa de Emaii stopi on nude pedas de Raterford. 
|
|-
|
- Shwo ba, Hwan-har-ney, - ta kwesti, - way yur pedas es mokre? 
|
|-
|
- Ouran me yus renversi-te un nangwa kun akwa.
|
|-
|
Suspekta de shefa fa-wek. Duran longtaim ta silensem kan fas de suy plenjen. E pa fin shwo:
|
|-
|
- Li yao-te chi yur amiga. Bat me bu he lasi li. Me afsosi, ke me kili-te ta. Ta bu es kulpa-ney. Jaduleker toshi bu es kulpa-ney. May mata bin muy lao gina, taim fo morti he lai. Dafni ba yur amiga segun tradision de yur landa. Me he bringi ta a yu. Walaa ta.
|
|-
|
Afte sey worda Emaii turni-ofni un borda de borya kel kovri longe tange obyekta. Raterford vidi hema-ney fas de Jek Mallon.
Kun astona ta kan fas de savaja kel hev basta mahanatmitaa fo rekoni swa-ney nopravitaa. 
|
mahanatmitaa – magnanimity / magnanimidad / великодушие, благородство
|-
|
Sin shwo un worda, Raterford trani korpa de suy kili-ney amiga inu dom e klosi dwar.
|}

[[Category:Marjen Raterford she maoris]]