Kan sursa

''Fabula bay Janni Rodari''


Me kwesti un gela:

— Hu komandi in yur dom?

Ela zai kan me, bu shwo nixa.

— Also hu komandi — papa o mama?

Ela snova zai kan me, bu shwo nixa.

— Way yu silensi? Koy jen mus ya komandi, bu ver?

Ela snova zai kan me, perplexe, bu shwo nixa.

— Ob yu bu jan, kwo se maini, tu komandi?

Non ya, ela jan.

— Also kwo es problema?

Ela zai kan me, bu shwo nixa. Ob gai iri om ela? Mogbi ela es mute, nofelise jen-ki?

Turan ela en-lopi wek fon me... Poy ela stopi, diki lisan a me, krai ridi-yen:

— Nul jen bu komandi, bikos nu oli lubi mutu!

[[Category:Fabula]]