Kan sursa

Jovanino to sinkuydnik es gro-safarnik. Ta safari-safari, ewalaa geti inu admirival landa. Oli dom in toy landa hev ronde angula, e ruf-borda ga bu es agude, bat simili flor. Along gata ye bushbarana aus rosa, e Jovanino tuy en-yao pren un-ge fop on it inu butondun de swa-ney jaka. Sertem, al lostori rosa, ta gro-kuydi-kan fo bu piki finga bay spika. Ta extendi handa, ewalaa spikas ga bu piki. Li bu hev ya nul agude angula e sol tikli idyen. - Es ya gro-diva! – Jovanino shwo lautem. Bat tuy aft eke ta show se, un polisyuan apari al smaili gro. - Shayad, yu bu jan-te ke oni bu darfi lostori rosa, bu ver? – ta kwesti. - Wel, me bu he dumi om to. Me afsosi gro, - Jovanino jawabi. - In tal kasu yu sal pagi sol haf de puna, - ta show al smaili tanto dolchem ke oni mog dumi ke ta hi gwo pren Pinokio a pleika-landa. Afte austiri un kitabakin aus posh, ta begin skribi un chek, ewalaa Jovanino merki ke ta zai skribi bay sim ga tupe kalam. - Ah! – Joanino ek-krai sin-yao-shem. – Ob yu mog diki a me yur (??? – сабля)? - Kun plesir, - polisyuan show. Ver ya! Fa-reveli ke iven sikin (??) bu hev ni agude nok ni agude blada. - Bat kwel landa es it? – Jovanino kwesti. - Es landa sin nul angula, - polisyuan jawabi. Ta pronunsi oli sey worda tanto latifem ke wud gai-te skribi li oli kun gran-letra pa beginsa. - Bat kwo yu zwo om naga? - Nu duyfu ga sin naga depos longtaim bak yo. Nu yusi glu inplas. Nau, bi karim, fai ba dwa wanga-darba a me. Por surprisa Jovanino ofni muh tanto kom si ta wud yao gloti tawa. - Wel, den to me bu sal fai, - ta murmuri. – Me ga bu yao geti inu prison por insulti ofisiale yuan al ke ta fai swa-ney serva. Krome to, si koywan gai pai wanga-darba, toy wan es me hi. - Non, es abyas hir, - polisyuan expliki latifem. – Tote puna es char wanga-darba, haf-puna es dwa-la. - A polisyuan ku? - A polisyuan hi. - Bat se es nojuste! Es dashatival! - Ga ver, es nojuste e dashatival, - polisyuan konfirmi. – Sitisen de nuy landa ga bu mog toleri darbi ga sinkulpa-ney jen, e por se heni sey abyas tanto ke gro-eforti bu violate nul kanun. Si yu fai wanga-darba nau, yu ve chauki pyu pa lai-she ves. - Bat me bu yao darbi uir wanga! Me bu yao iven kliki li! Me mog gladi… - In tal kasu, - polisuian shwo, - me majbur mah yu aus nuy landa. E Jovanino majbur kwiti namrem toy landa sin nul angula. Yedoh ta haishi drimi om lai bak adar e jivi vaika idyen miden zuy latif jenta in munda, in jamile dom-ki sub ruf sin nul angula.

Return to Landa sin nul angula.