Kan sursa

== Seria 1 == Autor de sey fabula es Lyuis Kerl ''(Lewis Carroll)'', fama-ney matematiker, logiker, lingwista. Lu he komposi it in mida de 19 sekla, duran promenas in Oxford, pa sahil de riva Temsa. Lu he komposi ir bikos syao gelas, luy hao amigas, pregi-te om to. Es strane fabula: olo in it es kom in fabula, bat it ga bu simili otre-las. Also, Alisa fa-tedi por sidi sin dela pa riva-sahil. Ela ek-kan kitaba, bat piktura e toka ambi yok. Alisa-ney dumas zai flui lentem e laxem. Por garmitaa ela es ya somnishil. ''(Blan Kunila)'': - Ay, me zai tardi! May boh, me zai tardi ya gro! Dukina ve sta pa furia! Ga pa furia! Sol nau Alisa ek-samaji ke ela neva gwo vidi kunila kun kloka e kun jilet-ney posh pa ada. Al jal-si por jigyas ela en-lopi sekwi ta. ''(Alisa)'': - Walaa ya vere lwosa! Wel, nau lwosa fon sulam ve bi nixa fo me! Pa dom li oli ve dumi ke me es ya gro-kuraje. Es ya ke si me wud lwo iven fon dom-uupara, me wud shwo ya nixa! Oda toy kwan es muy glube, oda Alisa zai lwo muy lentem, olosam ela hev ya basta taim fo abyasi e dumi om kwo sal eventi. - Skusi ba, sinior, ob yu wud mog shwo kwanto me he ya tralwo? Shayad me zai fa-blise a arda-sentra. Sembli a me, ke es sirke char mil milya nich. Me sal ku tralwo arda totem? To ve bi ya drole: jen dar zai go ya al kapa nich. Komo li nami? Antipatas, semblem... Non... Aa, non, - antipodes. Alisa zai lwo pyu e pyu. "Dina ve shuki me sedey pa aksham," - ela dumi. Dina es nam de elay kota. - Ah, Dina, yu bu es kun me pa afsos. Ver, in aira maus hi yok, yedoh ye menga de moska. Ob kota-ki chi moska-ki? Ob kota-ki chi moska hi? Aa, non, - ob moska-ki chi kota-ki? ''(Blan Kunila)'': - Ah, may mustash-ki, may povre aur-ki! Dukina bu ve pardoni me, ela ve sta ya pa furia! Al dumi om to aften, ela en-samaji ke gai-te fa-astoni. Yedoh in toy momenta olo sembli ya ga naturale, e Alisa en-lopi-sekwi Blan Kunila gro-kway. Bat Blan Kunila yok, ewalaa Alisa es n longe sala. Alisa dumi ke sey klef es fo dwar bat afsos! Oda kufla-dun es tro gran, oda klef es tro syao. Ofni toy dwar ela bu he mog. Al mah-joi Alisa gro, klef fiti ya sey hi dwar. Ah, ela gro en-yao geti aus hir. Bat ela bu mog mah iven kapa inu toy arda-dun. - Iven si kapa wud pai fa-tra - kwel es utilitaa? Hu nidi kapa sin plechas?.. ''"PI BA ME"'' Alisa jan ya, ke kindas koytaim es fai-ney nohaotaa, bikos li bu yao sekwi tri regula. Sey regulas es zuy simple: si oni teni nakali-ney gual-muver tro longem, pa fin oni pai jal-wunda; si oni kati swa-ney finga gro bay sikin, toy finga pinchanem hemi; e si oni pi gro fon botelakin kun skriba "toxin", es hampi serte ke pa fin oni senti swa kelkem morbe. Sen sey laste regula Alisa jan ya hao. Afte fa-serte ke eni skriba yok, ela pi idyen. - Es ya strane senta! Shayad me zai fa-pligi kom teleskop. ''"CHI BA ME"'' ALisa ek-vidi ke elay pedas zai fa-dale nich gro-kway. yoshi un taiminka, e oni bu sal mog vidi li. - Adyoo, may pedas... Ah, may povre peda-ki... Hu ve onpon jurapes e shus fo yu? kwo nu sal zwo sin mutu?.. Wel, hao. me ve sendi-soni a li nove shus. Walaa. Wel, kwel absurdika me zai ya shwo!.. Skusi ba, sinior!.. - Wel, sedey es ya gro-strane dey! Ob se es me o bu me? Sembli ya, ke bu totem es me. Olo es ya tanto mushkile... Also, me sal trai en-remembi geografia: Landan es shafurba se Paris, Paris es shafurba de Roma... No se es noprave... Wel, pyu hao es tu probi deklami versa. ''Walaa dom kel gei bildi bay juk.'' ''Walaa ganerina kel's kipen in tume garaj' do mashina in dom kel gei bildi bay juk.'' ''Walaa joi-she imperatotina kel oftem kusi toy ganerina kel's kipen in tume garaj' do mashina in dom kel gei bildi bay juk...'' - Wordas ga bu es prave... Also es me ku o bu me ku? Walaa ya magike befenger! Imajini ba: por koy kosa oni mog fa-syao tanto ke oni bikam ya nixa! Non, non, kway aus hir! Me wud yao sol fa-gran idyen... Poy me ve findi dao a toy gro-jamile garden. To bn ya gro-hao duma, tem pyu ke Alisa ya jan: fo fa-gran treba sol chi o pi koysa. Bat sirkum ye nixa godi-she.

Return to Alisa in Divalanda (kartun).