Kan sursa

'''UN-NEY SARWE LETA BAY YOHANES''' [x] = x yok in kelke textas [-x] = x yok in mucho/grave textas [oda: x] = x es alternative tradukta y [o.t.: x] = in otre textas ye x inplas y '''Chapta 1''' 1 Kwo bin depos beginsa, kwo nu audi-te, kwo nu vidi-te bay nuy prope okos, kwo nu kan-te e nuy handas palpi-te, om Worda de jiva 2 (e jiva manifestifi-te, e nu vidi-te e gavahi e anunsi a yu eterne jiva, kel bin she Patra e manifestifi-te a nu)--3 kwo nu vidi-te e audi-te, den se nu anunsi a yu, dabe yu toshi hev komunitaa kun nu. E nuy komunitaa es kun Patra e kun Luy Son Yeshu Krista. 4 E nu skribi se, dabe nuy joisa es komplete. 5 E se es anunsa, ke nu audi-te fon Lu e anunsi a yu ke Boh es luma, e nul tumitaa ye in Lu. 6 Si nu shwo ke nu hev komunitaa kun Lu, e go in tumitaa, nu lugi, e bu fai veritaa; 7 bat si nu go in luma, kom Lu es in luma, nu hev komunitaa un kun otre, e hema de Yeshu, Luy Son, purisi nu fon eni gunah. 8 Si nu shwo ke nu bu hev gunah, nu trompi swa, e veritaa bu es in nu. 9 Si nu rekoni nuy gunahes, Lu es fidival e juste fo pardoni a nu nuy gunahes e purisi nu fon ol [oda: kada] nojustitaa. 10 Si nu shwo ke nu bu gunahi-te, nu mah Lu luger, e Luy worda in nu yok. '''Chapta 2''' 1 May kare kindas, me skribi se a yu, dabe yu bu gunahi. E si eniwan gunahi, nu hev Representer bifoo Patra, Yeshu Krista, justo; 2 e lu es pardonitul om nuy gunahes, e bu sol om nuy-las, bat yoshi om ''sey-las de'' tote munda. 3 E bay se nu jan ke nu koni lu: si nu fulfil luy komandas. 4 Wan kel shwo: Me koni lu, e bu fulfil luy komandas, ta es luger, e veritaa bu es in ta; 5 bat eniwan kel fulfil luy worda, verem luba de Boh he perfektifi in ta. Bay se nu jan ke nu es in lu: 6 wan kel shwo ke ta resti in lu, ta selfa treba [tak] go, kom lu go-te. 7 Karas, me skribi a yu bu nove komanda, bat lao komanda ke yu hev-te depos beginsa; lao komanda es worda ke yu audi-te. 8 Yedoh me skribi a yu nove komanda, kwo es vere in lu e in yu; sikom tumitaa desapari, e vere luma yo brili. 9 Wan kel shwo ke ta es in luma, e heni swa-ney brata, ta es in tumitaa til nau. 10 Wan kel lubi swa-ney brata, resti in luma, e in ta [oda: lu, oda: it] stumblika yok. 11 Bat wan kel heni swa-ney brata, es in tumitaa, e go in tumitaa, e bu jan a wo ta go, sikom tumitaa he mah-blinde luy okos. 12 Me skribi a yu, kare kindas, sikom gunahes a yu es pardonen por luy nam. 13 Me skribi a yu, patras, sikom yu koni ta kel es depos beginsa. Me skribi a yu, yungas, sikom yu he konkesti bada. 14 Me skribi-te a yu, kindas, sikom yu koni Patra. Me skribi-te a yu, patras, sikom yu koni ta kel es depos beginsa. Me skribi-te a yu, yungas, sikom yu es forte, e worda de Boh resti in yu, e yu he konkesti bada. 15 Bu lubi munda, ni munda delas. Si eniwan lubi munda, luba de Patra bu ye in lu. 16 Sikom olo, kwo es in munda, gro-yaosa de flesh e gro-yaosa de okos e chuyshuing de jiva, bu es fon Patra bat fon munda. 17 Munda desapari e suy gro-yaosa; bat ta kel fai vola de Boh resti fo eternitaa. 18 Kindas, yo es laste ora; e komo yu audi-te ke antikrista [oda: Antikrista] lai, yo mucho antikristas apari; bay se nu jan ke es laste ora. 19 Li he chu aus nu, bat li bu bin aus nu; sikom si li wud bin aus nu, li wud he resti she nu; bat li he chu, dabe li manifestifi-te ke li oli bu es aus nu. 20 E yu hev smira fon Santa, e yu jan oli [o.t. oli ''toy'' delas]. 21 Me skribi-te a yu bu por ke yu bu jan veritaa, bat por ke yu jan it, e por ke nul luga es aus veritaa. 22 Hu es luger, si bu ta kel negi ke Yeshu es Krista? Ta es antikrista, ta kel negi Patra e Son. 23 Kadawan kel negi Son, bu hev Patra; ta kel rekoni Son, hev yoshi Patra. 24 Hay resti also in yu kwo yu audi-te depos beginsa. Si kwo yu audi-te depos beginsa resti in yu, yu toshi ve resti in Son e in Patra. 25 E se es wada, kel lu he wadi a nu: jiva eterne. 26 Me skribi-te se a yu om li kel trompi yu fon dao. 27 Om yu, smira ke yu resivi-te fon lu, resti in yu, e yu bu treba ke eniwan talimi yu; bat sikom luy smira talimi yu om olo e es vere e bu es luga, e sikom it talimi-te yu, resti ba [oda: yu resti] in lu. 28 E nau, kare kindas, resti in lu; dabe, si lu manifestifi, nu hev siguritaa, e bu shami bifoo lu al luy ariva. 29 Si yu jan ke lu es juste, yu jan ke toshi kadawan kel fai lo juste, ta aus lu he janmi. '''Chapta 3''' 1 Walaa kwel luba Patra he dai a nu: nu nami kindas de Boh--e nu es tal! Por to munda bu koni nu, sikom ta bu koni-te Lu. 2 Karas, nau nu es kindas de Boh, e haishi bu reveli-te, kwo nu ve bi. Nu jan ke si lu [oda posiblem: to] manifestifi, nu ve simili lu; sikom nu ve vidi lu, kom lu es. 3 E kadawan kel hev sey nada om lu, purisi swa ga kom lu es pure. 4 Kadawan kel fai gunah, fai sinkanuntaa; e gunah es sinkanuntaa. 5 E yu jan ke lu manifestifi-te fo nihilisi gunahes; e gunah bu ye in lu. 6 Kadawan kel resti in lu, bu gunahi; kada gunaher bu vidi-te lu, ni koni lu. 7 Kare kindas, hay nulwan trompi yu; wan kel fai lo juste, es juste ga kom lu es juste; 8 wan kel fai gunah, es aus diabla; sikom diabla gunahi depos beginsa. Fo to Son de Boh manifestifi-te, dabe lu nihilisi gunturas diabla-ney. 9 Kadawan janmi-ney bay Boh, bu fai gunah, sikom luy semena resti in ta; e ta bu mog gunahi, sikom ta he janmi bay Boh. 10 Bay se hi manifestifi kindas de Boh, e kindas de diabla: kadawan kel bu fai lo juste, bu es fon Boh, ni ta kel bu lubi swa-ney brata. 11 Bikos se es anunsa ke yu audi-te depos beginsa: ke nu treba lubi mutu; 12 bu kom Kain kel bin fon bada e kili-te swa-ney brata. E por kwo lu kili-te ta? Bikos luy aktas bin bade, e toy-las de luy brata bin prave. 13 Bye fa-astoni, bratas, si munda heni yu. 14 Nu jan ke nu yo transiti aus morta inu jiva, sikom nu lubi bratas. Wan kel bu lubi, resti in morta. 15 Kadawan kel heni swa-ney brata, es jenkiler; e yu jan ke kada jenkiler bu hev eterne jiva resti-ney in swa. 16 Bay se hi nu koni luba: sikom lu abnegi-te swa-ney jiva por nu; e nu treba abnegi nuy jiva por bratas. 17 Bat si eniwan hev munda-ney medias e vidi swa-ney brata nidi-she e klosi swa-ney rahimtaa kontra toy-la, komo luba de Boh resti in sey-la? 18 Kare kindas, nu lubi ba, bu segun worda ni segun lisan, bat segun akta e veritaa. 19 Bay se nu jan ke nu es aus veritaa, e nu sigurisi nuy kordia bifoo Lu 20 ke, si nuy kordia blami nu, Boh es pyu gran kem nuy kordia, e jan olo. 21 Karas, si [nuy] kordia bu blami [-nu], nu hev siguritaa bifoo Boh; 22 e kwo unkwe nu pregi, nu resivi fon Lu, sikom nu fulfil Luy komandas, e fai lo priate bifoo Lu. 23 E se es Luy komanda ke nu fidi a nam de Luy Son, Yeshu Krista, e lubi mutu ga kom Lu he dai a nu komanda. 24 E wan kel fulfil Luy komandas resti in Lu, e Lu in ta. E bay to nu jan ke Lu resti in nu: bay Spiritu, kel Lu dai-te a nu. '''Chapta 4''' 1 Karas, fidi bu a kada spiritu, bat testi spiritus, ob li es aus Boh; sikom mucho false profetas chu-te inu munda. 2 Bay se yu koni Spiritu de Boh: kada spiritu, kel rekoni ke Yeshu Krista he lai in flesh, es aus Boh; 3 e kada spiritu, kel bu rekoni Yeshu, bu es aus Boh; e se es spiritu de antikrista, om kel yu audi-te ke it lai; e nau it yo es in munda. 4 Kare kindas, yu es aus Boh, e he konkesti li; sikom pyu gran es ta kel es in yu, kem ta kel es in munda. 5 Li es aus munda; por to li shwo segun munda, e munda audi li. 6 Nu es aus Boh; wan kel koni Boh, audi nu; wan kel bu es aus Boh, bu audi nu. Bay se nu koni spiritu de veritaa, e spiritu de trompa. 7 Karas, nu lubi ba mutu; sikom luba es aus Boh; e kadawan kel lubi, janmi aus Boh e koni Boh. 8 Wan kel bu lubi, toy bu koni Boh, sikom Boh es luba. 9 Bay se luba de Boh manifestifi-te in nu: ke Boh he sendi Swa-ney unike Son in munda, dabe nu jivi bay lu. 10 E se es luba, bu ke nu lubi-te Boh, bat ke Lu lubi-te nu, e he sendi Swa-ney Son komo pardonitul por nuy gunahes. 11 Karas, si Boh tak lubi-te nu, nu toshi treba lubi mutu. 12 Nulwan enitaim vidi-te Boh; si nu lubi mutu, Boh resti in nu, e Luy luba perfektifi in nu. 13 Bay se nu jan ke nu resti in Lu, e Lu in nu; sikom Lu he dai de Swa-ney Spiritu a nu. 14 E nu vidi-te e gavahi ke Patra he sendi Son fo bi Salver de munda. 15 Eniwan kel rekoni ke Yeshu es Son de Boh--Boh resti in ta, e ta in Boh. 16 E nu koni e fidi luba, ke Boh hev versu nu. Boh es luba; e wan kel resti in luba, resti in Boh, e Boh resti in ta. 17 Bay se luba he perfektifi she nu: ke nu hev siguritaa pa judadey; sikom kom lu es, tal toshi nu es in sey munda. 18 Foba in luba yok; bat perfekte luba mah-wek foba, sikom foba gwansi puna; e fobishil wan bu perfektifi in luba. 19 Nu lubi, sikom Lu un-nem lubi-te nu. 20 Si eniwan shwo: Me lubi Boh, e heni swa-ney brata--ta es luger; sikom wan kel bu lubi swa-ney brata, den kel ta vidi-te, bu mog lubi Boh, den kel ta bu vidi-te. 21 E nu hev fon Lu sey komanda: ke wan kel lubi Boh, treba lubi toshi swa-ney brata. '''Chapta 5''' 1 Kadawan kel kredi ke Yeshu es Krista, he janmi bay Boh; e kadawan kel lubi Janmer, lubi [toshi] janmi-neys bay Lu. 2 Bay se nu jan ke nu lubi kindas de Boh: wen nu lubi Boh e fulfil [o.t. kipi] Luy komandas. 3 Sikom se es luba a Boh: ke nu fulfil Luy komandas; e Luy komandas bu es grave. 4 Sikom olo, kwo aus Boh he janmi, konkesti munda; e se es konkesta kel konkesti munda: nuy kreda. 5 [E] hu es konkester de munda, si bu ta kel kredi ke Yeshu es Son de Boh? 6 Sey-la es ta kel lai bay akwa e hema, Yeshu Krista; bu in akwa solem, bat in akwa e in hema. E Spiritu es gavaher, sikom Spiritu es veritaa. 7 Sikom tri es gavaher: 8 Spiritu, e akwa, e hema; e tri in un konkordi. 9 Si nu aksepti gavaha bay jen, gavaha bay Boh es pyu gran; sikom se es gavaha bay Boh: ke Lu gavahi-te om Swa-ney Son. 10 Wan kel kredi in Son de Boh, hev gavaha in swa [o.t. lu]; wan kel bu kredi in Boh, mah-te Lu luger, por ke ta bu kredi-te gavaha, ke Boh gavahi-te om Swa-ney Son. 11 E se es gavaha: ke Boh he dai a nu jiva eterne; e toy jiva es in Luy Son. 12 Wan kel hev Son, hev jiva; wan kel bu hev Son de Boh, bu hev jiva. 13 Me skribi-te sey delas a yu, dabe yu jan ke yu hev jiva eterne--a yu, kel kredi in nam de Son de Boh. 14 E se es siguritaa, ke nu hev bifoo Lu: ke si nu pregi enisa segun luy vola, Lu audi nu; 15 e si nu jan ke Lu audi nu om enisa ke nu pregi, nu jan ke nu hev pregiwat, ke nu pregi-te fon Lu. 16 Si eniwan vidi swa-ney brata gunahi-she bu a morta, hay pregi, e Boh ve dai a ta jiva, fo gunaher bu a morta. Ye gunah a morta; bu om to me shwo ke treba pregi. 17 Kada nojustitaa es gunah; e ye gunah bu a morta. 18 Nu jan ke kadawan janmi-ney aus Boh bu gunahi; bat wan janmi-ney bay Boh gardi ta [o.t. swa], e bada bu tachi ta. 19 Nu jan ke nu es aus Boh, e ke ol munda lagi in bada. 20 E nu jan ke Son de Boh he lai e he dai a nu samaja, dabe nu koni Vera; e nu es in Vera, in Luy Son, Yeshu Krista. Ta es vere Boh e jiva eterne. 21 Kare kindas, gardi swa kontra idolas. '''DWA-NEY LETA BAY YOHANES''' 1 Laoman a selekti-ney dama [oda posiblem: a Kiria] e suy kindas, den kel me lubi in veritaa; e bu me sole, bat yoshi oli kel koni veritaa; 2 por veritaa, kel resti in nu, e kel ve bi she nu fo eternitaa: 3 Blagitaa, rahimtaa, salam ve bi she nu fon Boh, Patra, e fon Yeshu Krista, Son de Patra, in veritaa e luba. 4 Me he joi gro, por ke me he findi kelkes aus yur kindas go-she in veritaa ga kom nu resivi-te komanda bay Patra. 5 E nau me pregi yu, dama, skribi-yen bu kom nove komanda a yu, bat to ke nu hev-te depos beginsa ke nu treba lubi mutu. 6 E se es luba: ke nu treba go segun Luy komandas. Se es komanda den kel yu audi-te depos beginsa, dabe yu go segun it. 7 Sikom mucho tromperes he chu inu munda, kel bu rekoni Yeshu Krista lai-she in flesh. Ta es tromper e antikrista. 8 Gardi swa, dabe yu bu lusi to, por kwo nu [o.t. yu] gun-te, bat resivi komplete rekompensa. 9 Kadawan kel go avan e bu resti in doktrina bay Krista, bu hev Boh; wan kel resti in doktrina, hev i Patra i Son. 10 Si eniwan lai a yu e bu bringi sey doktrina, bu resivi ta inu dom, e bu shwo saluta a ta; 11 sikom wan kel shwo saluta a ta, partisipi in suy bade aktas. 12 Hev-yen mucho delas fo skribi a yu, me bu yao skribi bay papir e tinta; bat me nadi lai a yu e shwo fas kontra fas, dabe nuy [o.t. yur] joisa es komplete. 13 Kindas de yur selekti-ney sista saluti yu. '''TRI-NEY LETA BAY YOHANES''' 1 Laoman a Gayus, kara, den kel me lubi in veritaa. 2 Kara, me prei om munda delas ke yu pai e es sane, kom yur atma pai. 3 Sikom me joi gro, wen bratas he lai e gavahi-te a veritaa, kel es in yu, kom yu go in veritaa. 4 Me bu hev pyu gran joisa kem audi ke may kindas go in veritaa. 5 Kara, yu zwo fidelem kwo yu zwo fo bratas e to a bukoniwanes, 6 kel gavahi-te yur luba bifoo asembla. Yu ve fai hao sungi li pa manera gai-ke bifoo Boh, 7 sikom por toy Nam li he chu, aksepti-yen nixa fon buivris. 8 Nu treba also swaagati tal wanes, dabe nu es ko-guneres in veritaa. 9 Me skribi-te a asembla; bat Diotrefes, ley primnik, bu swaagati nu. 10 Por to, si me lai, me mah-remembi lu om aktas ke lu zwo, tuhmati-yen nu bay bade wordas; e bu santush por to, lu selfa bu swaagati bratas, e a li, kel yao, lu prohibi e mah-wek aus asembla. 11 Kara, imiti bu lo bade, bat lo hao. Wan kel fai lo hao es aus Boh; wan kel fai lo bade bu vidi-te Boh. 12 Demetrius hev gavaha bay oli, e bay veritaa selfa; e yoshi nu gavahi; e yu jan ke nuy gavaha es vere. 13 Me hev-te mucho delas fo skribi a yu; bat me bu yao skribi a yu bay tinta e kalam; 14 bat me nadi sun vidi yu, e nu shwo fas kontra fas. 15 Salam a yu. Amigas saluti yu. Saluti amigas bay nam. [[Category:Fabula]]

Return to Letas de Yohanes.